Germaniya "Shimoliy oqim-2" loyihasini ishga tushirmaydi. Bu haqda mamlakat hukumati rasmiy vakili Shteffen Xebeshtrayt maʼlum qildi.
"Rossiyadan gaz yetkazib berishning qisqarishi barchamiz uchun chaqiriq hisoblanadi. Bizni oldinda og‘ir oylar kutayotgani aniq", — degan u.
Shu bilan birga Berlin yoqilg‘i yetishmovchiligining oldini olish maqsadida qator choralarni ko‘rgani taʼkidlangan.
Maʼlumot o‘rnida: “Shimoliy oqim-2” to‘liq qurib bitkazilgan bo‘lsa-da, ishga tushirilmadi. Bunga Rossiyaning “DXR” va “LXR” mustaqilligini tan olishi sabab bo‘ldi. 22 fevral kuni Germaniya ushbu gaz quvurini sertifikatlashni to‘xtatib qo‘ydi.
Avvalroq Polsha Angela Merkelni "Shimoliy oqim-2" bo‘yicha pozitsiyasi uchun tanqid qilgandi.