Германия "Шимолий оқим-2" лойиҳасини ишга туширмайди. Бу ҳақда мамлакат ҳукумати расмий вакили Штеффен Хебештрайт маълум қилди.
"Россиядан газ етказиб беришнинг қисқариши барчамиз учун чақириқ ҳисобланади. Бизни олдинда оғир ойлар кутаётгани аниқ", — деган у.
Шу билан бирга Берлин ёқилғи етишмовчилигининг олдини олиш мақсадида қатор чораларни кўргани таъкидланган.
Маълумот ўрнида: “Шимолий оқим-2” тўлиқ қуриб битказилган бўлса-да, ишга туширилмади. Бунга Россиянинг “ДХР” ва “ЛХР” мустақиллигини тан олиши сабаб бўлди. 22 февраль куни Германия ушбу газ қувурини сертификатлашни тўхтатиб қўйди.
Аввалроқ Польша Ангела Меркелни "Шимолий оқим-2" бўйича позицияси учун танқид қилганди.