Ангела Меркель узоқ йиллар давомида “Шимолий оқим-2” газ қувури лойиҳасини қўллаб-қувватлаши нотўғри бўлган. Бу ҳақда Польша президенти Анджей Дуда маълум қилди.
“ ‘Шимолий оқим-2’ номли газ лойиҳалари менинг Германияга нисбатан энг катта танбеҳларимдан бири. Биз доимий равишда Nord Stream соф иқтисодий лойиҳа эканини эшитиб келдик. Мен бу аргументга ҳеч қачон қўшилмаганман. 2021 йилда эса Байден ва Меркель ўртасида келишув имзоланди, унда Вашингтоннинг “Шимолий оқим-2” қарши эмаслиги акс этганди. Ўша куннинг ўзидаёқ Меркель Путинга қўнғироқ қилган. Буни нафақат бефарқлик, балки биз жойлашган Европа қисмига душманлик ҳам бўлиши мумкин”, — деган у.
“Шимолий оқим-2” тўлиқ қуриб битказилган бўлса-да, ишга туширилмади. Бунга Россиянинг “ДХР” ва “ЛХР” мустақиллигини тан олиши сабаб бўлди.
Аввалроқ Владимир Путин “Шимолий оқим-2”ни ишга туширишга тайёр эканини маълум қилганди.