Germaniya Ukrainaga Rossiya hududlariga zarba beradigan qurollarni yetkazib bermaydi. Bu haqda kansler Olaf Sholts Magdeburgdagi chiqishida maʼlum qildi.
U asosiy maqsad Ukraina hududiy yaxlitligi va suverenitetini qayta tiklash ekanini aytgan.
“Prezident Bayden aniq reja qo‘ygan: u Rossiya hududini o‘qqa tutish mumkin bo‘lgan qurollarni yetkazib bermasligini aytgandi. Men ham bunga qo‘shilaman”, – degan Sholts.
Kansler RFga zarba beradigan qurollarni taqdim etish eskalatsiyani kuchaytirishini taʼkidlagan.
Avvalroq Sholts Putinga Ukraina masalasida qanday vaʼda bergani ochiqlangandi.