Шольц: Украинага Россия ҳудудларига зарба берадиган қуроллар тақдим этилмайди
У буни эскалацияни кучайтирмаслик билан боғлаган.
Германия Украинага Россия ҳудудларига зарба берадиган қуролларни етказиб бермайди. Бу ҳақда канцлер Олаф Шольц Магдебургдаги чиқишида маълум қилди.
У асосий мақсад Украина ҳудудий яхлитлиги ва суверенитетини қайта тиклаш эканини айтган.
“Президент Байден аниқ режа қўйган: у Россия ҳудудини ўққа тутиш мумкин бўлган қуролларни етказиб бермаслигини айтганди. Мен ҳам бунга қўшиламан”, – деган Шольц.
Канцлер РФга зарба берадиган қуролларни тақдим этиш эскалацияни кучайтиришини таъкидлаган.
Аввалроқ Шольц Путинга Украина масаласида қандай ваъда бергани очиқланганди.
