Шольц Путинга Украина масаласида қандай ваъда бергани маълум бўлди
Германия канцлери Москва ва Киев ўртасидаги ҳарбий можарони “мантиқсизлик” деб атади.
Олаф Шольц Россия-Украина можароси бошланишидан аввал Путинга Киев яқин 30 йил ичида НАТОга қабул қилинмаслигига ваъда берган. Бу ҳақда у федерал канцлер идорасидаги очиқ эшиклар кунида маълум қилди.
Бундан ташқари, сиёсатчи РФ президентига Шимолий Атлантика иттифоқи Москвага ҳеч қачон таҳдид туғдирмаслигини айтган. У альянснинг Россия манфаатларини ҳисобга олмаслигини инкор этган.
Шу билан бирга Шольц Украинага Москва кучлари киритилишини “бутунлай мантиқсизлик” деб атаган.
Аввалроқ Германия канцлери Путин билан бевосита мулоқот қилиш зарурлигини айтганди.
