Unga ko‘ra, endilikda talabalar va ularning ota-onalari imtyozli taʼlim kreditlarini yurtimizning istalgan hududi (belgilangan tijoriy banklari)dan olish huquqiga ega. Banklar to‘lov shartnomasini to‘g‘ridan-to‘g‘ri qabul qilishi uchun vazirlik Markaziy bank hamda Moliya vazirligi bilan o‘zaro hamkorlik o‘rnatdi.
To‘lov-shartnoma asosida o‘qiydigan talabalar uchun yana bir qulaylik yaratildi. Ular o‘zlarining profillari orqali shartnomalari uchun buyurtma berish hamda ularni onlayn olishi mumkin. Taqdim etilgan to‘lov-shartnoma mablag‘lari monitoringi nazorat qilinadi.
Shuningdek, talabalarning diplom maʼlumotlarini raqamlashtirish ham belgilandi. Oliy va professional taʼlim muassasalari bitiruvchilariga shtrix-kod yordamida onlayn autentifikatsiya qilish imkoniyatiga ega bo‘lgan diplom va sertifikatlar berish axborot tizimlari ham joriy etildi. 2019/2020 o‘quv yilida bakalavr va magistratura bitiruvchilariga QR-kodli diplomlar berilgan. Professional taʼlim muassasalari bitiruvchilariga esa 2020/2021 o‘quv yilidan boshlab amal qiladi.
Bitiruvchilarning ishga joylashishida diplom maʼlumotlari elektron ko‘rinishda taqdim etiladi. Bu, o‘z navbatida, diplomlarni soxtalashtirishning oldini oladi. Bu jarayon 2022 yil 1 yanvardan boshlab amalda qo‘llanila boylaydi.
Eslatib o‘tamiz, avvalroq yangi o‘quv yili qanday boshlanishi hamda ijarada turuvchi talabalarni tizimli nazorat qiluvchi mobil ilova yaratilgani xabar qilingandi.
Akram Xamraqulov