Унга кўра, эндиликда талабалар ва уларнинг ота-оналари имтёзли таълим кредитларини юртимизнинг исталган ҳудуди (белгиланган тижорий банклари)дан олиш ҳуқуқига эга. Банклар тўлов шартномасини тўғридан-тўғри қабул қилиши учун вазирлик Марказий банк ҳамда Молия вазирлиги билан ўзаро ҳамкорлик ўрнатди.
Тўлов-шартнома асосида ўқийдиган талабалар учун яна бир қулайлик яратилди. Улар ўзларининг профиллари орқали шартномалари учун буюртма бериш ҳамда уларни онлайн олиши мумкин. Тақдим этилган тўлов-шартнома маблағлари мониторинги назорат қилинади.
Шунингдек, талабаларнинг диплом маълумотларини рақамлаштириш ҳам белгиланди. Олий ва профессионал таълим муассасалари битирувчиларига штрих-код ёрдамида онлайн аутентификация қилиш имкониятига эга бўлган диплом ва сертификатлар бериш ахборот тизимлари ҳам жорий этилди. 2019/2020 ўқув йилида бакалавр ва магистратура битирувчиларига QR-кодли дипломлар берилган. Профессионал таълим муассасалари битирувчиларига эса 2020/2021 ўқув йилидан бошлаб амал қилади.
Битирувчиларнинг ишга жойлашишида диплом маълумотлари электрон кўринишда тақдим этилади. Бу, ўз навбатида, дипломларни сохталаштиришнинг олдини олади. Бу жараён 2022 йил 1 январдан бошлаб амалда қўлланила бойлайди.
Эслатиб ўтамиз, аввалроқ янги ўқув йили қандай бошланиши ҳамда ижарада турувчи талабаларни тизимли назорат қилувчи мобил илова яратилгани хабар қилинганди.
Акрам Хамрақулов