Tayvan mudofaa vazirligi tadqiqotlar va ixtirolar bo‘limi xodimi mehmonxonada o‘lik holda topildi. Bu haqda Reuters xabar berdi.
Agentlik xabariga ko‘ra, 6 avgust kuni tongda, Tayvan janubidagi mehmonxonalardan birida Chun Shan fan va texnologiyalar milliy instituti rahbari o‘rinbosari Ou Yan Li-sin jasadi topilgan. Hokimiyat uning o‘limi sabablarini aniqlashtirmoqda.
Ou Yan janubdagi Pindun okrugida xizmat safarida bo‘lgan. U 2022 yilda lavozimiga tayinlangan, raketalar ishlab chiqarish loyihasini nazorat qilgan.
Chun Shan fan va texnologiyalar milliy instituti raketalar ishlab chiqarish quvvatini oshirish bilan shug‘ullangan. Reuters maʼlumotlariga ko‘ra, 2022 yilda ularning soni 500ga yetdi.
Maʼlumot o‘rnida: 2 avgustda AQSH Kongressi vakillar palatasi spikeri Nensi Pelosi Tayvanga tashrif buyurdi. Shundan keyin Xitoy orol atrofida yirik harbiy mashg‘ulotlar boshlashini eʼlon qildi. Hozirda Tayvan atrofidagi olti nuqtada o‘quv mashqlari bo‘lib o‘tmoqda.