“Tolibon” 23 million saytni bloklab qo‘ydi. Bunga ularning “axloqqa qarshi” kontentlari sabab bo‘lgan.
Mamlakat aloqa vaziri Najibulla Haqqoniy yoshlarni og‘ir iqtisodiy ahvolga qaramay, turli saytlarda vaqtini behuda o‘tkazishda ayblagan. Shu bilan birga u “axloqsiz” atamasi aynan nimani anglatishini ochiqlamagan.
Tolo News xabariga ko‘ra, harakat Afg‘onistonda noqonuniy SIM-kartalar tarqatilishiga ham qarshi kurashmoqda. Qo‘shimcha qilinishicha, Afg‘onistonda noqonuniy SIM-kartalardan foydalanish 85-90 foizga kamaygan.
Avvalroq BAAda afg‘on qochqinlari norozilik namoyishi o‘tkazgandi.