“Толибон” 23 миллион сайтни блоклаб қўйди. Бунга уларнинг “ахлоққа қарши” контентлари сабаб бўлган.
Мамлакат алоқа вазири Нажибулла Ҳаққоний ёшларни оғир иқтисодий аҳволга қарамай, турли сайтларда вақтини беҳуда ўтказишда айблаган. Шу билан бирга у “ахлоқсиз” атамаси айнан нимани англатишини очиқламаган.
Tolo News хабарига кўра, ҳаракат Афғонистонда ноқонуний SIM-карталар тарқатилишига ҳам қарши курашмоқда. Қўшимча қилинишича, Афғонистонда ноқонуний SIM-карталардан фойдаланиш 85-90 фоизга камайган.
Аввалроқ БААда афғон қочқинлари норозилик намойиши ўтказганди.