Afg‘onistonning ayrim viloyatlari suv toshqinlaridan jiddiy zarar ko‘rdi. “Tolibon” hukumati jahon hamjamiyatidan yordam so‘rab chiqqan.
“Biz xalqaro hamjamiyatdan, ayniqsa, musulmon mamlakatlaridan, gumanitar va xayriya tashkilotlaridan yaqinda yuz bergan suv toshqinlaridan aziyat chekkan insonlarga yordam berishni va ushbu vaziyatda hamkorlikdan voz kechmaslikni so‘raymiz”, – deyiladi hukumat bayonotida.
Toshqinlar oqibatida 35 kishi halok bo‘lgan. 65 kishi jarohatlangan. 3 ming uy vayron bo‘lgan. Hukumat barcha masʼul tashkilotlarning aholiga yordam ko‘rsatishga topshiriq bergan.
Avvalroq Hindistonda 50 kishi suv toshqini qurboniga aylangani to‘g‘risida xabar berilgandi.