Toshkent shahar prokuraturasi tomonidan sobiq shahar sudining bir qator sudyalari va sobiq sud raisi o‘rinbosari ayblanuvchi sifatida ishga jalb qilindi. Bu haqda Bosh prokuratura xabar bermoqda.
Ularning ustidan Jinoiy kodeksning 231-moddasi — «Adolatsiz hukm, qaror yoki ajrim chiqarish» hamda 236-moddasi bilan jinoyat ishi qo‘zg‘atilgan. Ish hujjatlariga ko‘ra, sobiq sudyalar va sud raisi o‘rinbosari Akmal Shukurovning birinchi instantsiya sud hukmida tayinlangan 8 yil 1 oylik ozodlikdan mahrum qilish jazosi o‘rniga 3 yil 3 oy ozodlikni cheklash jazosi tayinlanishida qonuniylikni buzganlikda gumon qilinmoqda.
Avvalroq Shukurov bir nechta jinoyat epizodlarida tilga olingani xabar qingandi. «The Tower» mehmonxonasi yaqinidagi mojaro bilan bir qatorda, huquq-tartibot organlari uning firibgarlikka hamda 2022 yilda sodir bo‘lgan boshqa bir kaltaklash holatiga aloqador bo‘lishi mumkinligini bildirgan.
Prokuratura murojaatidan so‘ng hujum ishi Toshkent jinoyat sudida qayta ko‘rib chiqilgan. Yangi sud muhokamasi yakunlariga ko‘ra, Akmal Shukurov olti yil muddatga ozodlikdan mahrum etilgan.
2025 yil dekabr oyida Oliy sudyalar kengashi ishning dastlabki ko‘rib chiqilishida ishtirok etgan uch nafar sudyaning vakolatlarini tugatish to‘g‘risida qaror qabul qilgan. Ular O‘zbekiston Respublikasi “Sudlar to‘g‘risida”gi Qonunning 79-moddasi 1-qismining 2 va 10-bandlariga asosan lavozimidan ozod etilgan.
Rasmiy organlar hozircha tergov jarayoni yuzasidan izoh bermagan, faqat barcha protsessual harakatlar qonunda belgilangan tartibda olib borilayotganini qayd etgan.