Трамп Путинга қўнғироқ қилиб, Украинадаги урушни муҳокама қилди
Америка етакчиси Кремлни Украинада вазиятни кескинлаштирмасликка чақирди ва Европадаги АҚШ қўшинлари ҳақида эслатди.
"7 ноябрь куни бўлиб ўтган суҳбат чоғида АҚШнинг янги сайланган президенти Путин билан Россия-Украина урушини тезроқ тугатишни муҳокама қилган. Дональд Трамп Вашингтоннинг “Европадаги муҳим ҳарбий иштирокини” эслатиб, Россия президентини кескинлашувдан сақланишга чақирган", — деб ёзади Тhe Washington Post нашри ўз манбаларига таяниб.
WP суҳбатдошлари, шунингдек, Трамп келишувнинг Россия босиб олинган ҳудудларнинг бир қисми устидан назоратни сақлаб қолиши ҳақидаги версиясини қўллаб-қувватлашини "шахсий фикри сифатида кўрсатганини" билдиришган.
"Украина ҳукумати Трамп ва Путин ўртасидаги суҳбат ҳақида огоҳлантирилган ва Киев бунга эътироз билдирмаган", — деб ёзади нашр. Reuters хабарига кўра, ушбу телефон мулоқотидан бир кун олдин Трамп Украина президенти Владимир Зеленский билан ҳам гаплашган ва Киевни қўллаб-қувватлашга ваъда берган.
