1. Bosh sahifa
  2.  / 
  3. O'zbekiston / 
  4. Turkiya armiyasining generali O‘zbekistonga keldi

17:55 / 27.05.2022

1.4k

Turkiya armiyasining generali O‘zbekistonga keldi

Turkiya armiyasining generali O‘zbekistonga keldi

Tashrif doirasida nimalar muhokama qilingani ma’lum bo‘ldi.

 

Turkiya Jandarmeriyasi Bosh qo‘mondonining birinchi o‘rinbosari, armiya generali A. Chardakchi boshchiligidagi delegatsiya O‘zbekistonga tashrif buyurdi. Bu haqda O‘zbekiston Respublikasi Milliy gvardiyasi xabar berdi.

 

Ma’lum qilinishicha, tashrif “Yangi O‘zbekiston” istirohat bog‘i hamda Mustaqillik monumenti bilan tanishishdan boshlangan. Shundan so‘ng Milliy gvardiya Markaziy devonida Milliy gvardiya qo‘mondoni general-mayor R. Djurayev bilan uchrashuv bo‘lib o‘tgan. Suhbat davomida tomonlar o‘zaro fikr almashib, ikki tomonlama hamkorlikning holati hamda yaqin istiqboldagi amaliy hamkorlik rejalari muhokama qilingan.


Muzokaralar yakunida tomonlar Turkiya Jandarmeriyasi Bosh qo‘mondoni, armiya generali A. Chetinning O‘zbekistonga tashrifi chog‘ida ilgari erishilgan kelishuvlar doirasida kadrlar tayyorlash, qo‘shma amaliy tadbirlar, seminar va treninglar tashkil etish sohasidagi hamkorlikni davom ettirishga tayyor ekanliklarini bildirgan. 


Tashrif dasturiga ko‘ra, delegatsiya a’zolari “Temurbeklar maktabi”, Toshkent harbiy-akademik liseyi faoliyati va o‘quv jarayoni bilan tanishgan va shu bilan bir qatorda, Milliy gvardiya Toshkent shahri bo‘yicha boshqarmasi, Buxoro viloyati Qo‘riqlash boshqarmasi hamda Milliy gvardiya Kavaleriya eskadronida bo‘lishgan.


Bundan tashqari, mehmonlar “Ming O‘rik” arxeologik muzeyiga ham tashrif buyurib, O‘zbekiston Davlat san’at muzeyi ekspozisiyalari bilan tanishgan. Delegatsiya a’zolarining tashrifi an’anaviy do‘stona muhitda, ishonch va o‘zaro hurmat ruhida bo‘lib o‘tgan.

 

Bog'lanish uchun

+998 (71) 207-21-28

Elektron manzil

info@zamon.uz

Shahodatnoma

№1346 Berilgan sana: 28.05.2020

Asoschisi

ООО Master Media Production and Broadcast

Tahririyat manzili

Toshkent sh., Amir Temur shoh ko'chasi, 53 uy

Яндекс.Метрика