“Uzbekistan airways” Россиянинг айрим шаҳарларига парвозни тўхтатди
Бекор қилинган рейслар учун олинган чипталар алмаштириб берилади.
Маълум қилишича, Россия Федерациясида ҳаво ҳудудининг бир қисми ёпилиши билан боғлиқ чеклов сабаб “Тошкент – Краснодар – Тошкент”, “Тошкент – Ростов-на-Дону – Тошкент”, “Наманган – Кроснадар – Наманган” йўналишлари бўйича қатнов тўхтатилган.
Бекор қилинган йўналишдаги парвозлар Сочи шаҳрига амалга оширилади ва 3 мартдан 26 мартгача “Ўзбекистон – Сочи – Ўзбекистон” йўналишида қўшимча авиақатновлар йўлга қўйилади.
Авиакомпаниянинг хабар қилишича, йўловчилар аеропортларга белгиланган вақтдан олдинроқ келишлари керак. Краснодар ва Ростов-на-Дону йўналишида аввал бекор бўлган парвозлар йўловчилари авиачипталарининг тўлиқ қийматини чипта сотиб олинган жойда қайтариб олишлари ёки 2022 йил 3 мартдан бошлаб ҳар қандай бўш санага бепул қайта бронлаши мумкин.
