“Biz Ukraina hududiy yaxlitligini qo‘llab-quvvatlaymiz va Qrim anneksiyasini tan olmaymiz. Fikrimcha, Ukraina va Gruziyaning NATOga intilishini qo‘llab-quvvatlash zarur”, –– degan Chavusho‘g‘lu. Shu bilan birga bu Turkiyaning Rossiya bilan munosabatlariga taʼsir qilmasligini qayd etgan. “Biz Rossiya bilan muloqotdamiz. Prezident (Erdo‘g‘an) rossiyalik hamkasbi bilan yaxshi aloqalarga ega. Bizning siyosatimiz ochiq”, –– degan vazir.
Turkiya boshqa NATO davlatlari kabi Qrimning Rossiya tarkibiga qo‘shib olinishini tan olmaydi. Anqara Qrimni Ukrainaga tegishli deb hisoblaydi.
Bundan avval Yevropa Ittifoqi Ukrainada harbiy missiya ochmoqchi ekanligi hamda NATO bosh kotibi Rossiya bilan muloqot muhim ekanini aytgani xabar qilingandi.
Jahongir Qo'ziyev