\
Twitter ijtimoiy tarmog‘i ishidagi muammolar butun dunyoda qayd etilmoqda.
Uzilishlar Moskva vaqti bilan soat 15:00 dan keyin boshlandi. Shikoyatlarning aksariyati AQSHdan kelmoqda. Foydalanuvchilar tizimga kira olmasligi va tvitlarni ko‘ra olmasligi haqida xabar qilgan. Shuningdek, ijtimoiy tarmoqdagi nosozliklar haqida xabarlar Kanada, Fransiya, Germaniya, Buyuk Britaniya, Yaponiya, Avstraliya, Pokiston, Janubiy Afrikadan kelmoqda.
Shu bilan birga, Twitter Status ijtimoiy tarmog‘ining rasmiy portalida 14-iyul holatiga ko‘ra Twitterda hech qanday muammo qayd etilmagani yozilgan.
Eslatib o‘tamiz, Twitterning avvalgi uzilishi fevral oyida bo‘lgan edi. Keyinchalik kompaniya dasturiy ta’minotdagi xatolikni tuzatganini xabar qilgan.
