Twitter’да Украина мавзусига қизиқиш пасайди
Шунингдек, украин рақамлари орқали рўйхатдан ўтиш имконияти йўқолган.
Украина можароси Twitter трендлари орасидан йўқолмоқда. Бу ҳақда Украина президенти офиси раҳбари маслаҳатчиси Михаил Подоляк маълум қилди.
Шу билан бирга сиёсатчи Украина рақамлари орқали тармоқда рўйхатдан ўтиш имкони йўқолганини айтган.
27 октябрь куни Илон Маск Twitter’ни сотиб олди. Бу унга 44 миллиард долларга тушган. Шундан кейин тадбиркор бир қатор ходимларни ишдан бўшатди. Business Insider портали маълумотларига кўра, Маск раҳбар бўлганидан кейин компания штатида 2300 киши қолди.
Шунингдек, миллиардер Twitter’да бир неча бор Украина бўйича шов-шувли постлари билан ҳам ёдда қолди. Бир неча ой олдин у мамлакатда давом этаётган қуролли можарони тўхтатиш бўйича ўз режасини тақдим этганди.
