Ma'lum qilinishicha, Ukrainada ikkita turli tinchlikparvar missiya tashkil etish rejasi muhokama qilinmoqda.
Birinchi missiya BMT yetakchiligida bo‘lib, uning tarkibiga Osiyo va Janubiy Amerikadagi davlatlar harbiylari kiritilishi mumkin. Ular orasida Hindiston, Braziliya, Indoneziya va Saudiya Arabistoni tilga olinmoqda. Biroq Indoneziya rasmiylari o‘z tinchlikparvar kuchlarini Ukrainaga yuborish bo‘yicha hech qanday so‘rov olmagani haqida bayonot berdi. Ushbu missiyaning asosiy vazifasi – ikki armiyaning to‘qnashuv chizig‘ini nazorat qilish bo‘ladi.
Ikkinchi missiya G‘arb davlatlaridan iborat bo‘lib, ularning kuchlari Ukrainaning Yevropa Ittifoqi bilan chegaralarida joylashtirilishi mumkin. Manbalarga ko‘ra, AQSh ushbu operatsiyalar uchun barcha zaruriy logistika va texnologik yordamni, jumladan, havo nazorati, radar va sun’iy yo‘ldosh tizimlarini taqdim etishga tayyor.
Biroq boshqa manbalarga ko‘ra, Yevropa diplomatik doiralari Ukrainaga quruqlikdagi qo‘shinlar yuborish ehtimoli pastligini ta’kidlashmoqda. Bunga logistik qiyinchiliklar, Rossiyaning qarshiligi va AQSh tomonidan to‘liq qo‘llab-quvvatlash yo‘qligi sabab sifatida ko‘rsatilmoqda. Shunga qaramay, ayrim Yevropa davlatlari harbiy mashg‘ulotlar yoki boshqa yordam ko‘rsatish uchun o‘z kuchlarini Ukrainaga yuborishi mumkin.
