Jahon savdo tashkiloti (JST) rahbari Ngozi Okonjo-Iveala AQSh va Xitoy o‘rtasidagi bojlar urushi jiddiy iqtisodiy oqibatlarga olib kelishi mumkinligini ta’kidladi. Uning so‘zlariga ko‘ra, ikki davlat o‘rtasida import bojlari kuchaytirilsa, savdo hajmi 80 foizgacha qisqarishi mumkin.
Bundan tashqari, JST rahbari global iqtisodiy tizimning ikki blokga bo‘linishi uzoq muddatli istiqbolda butun dunyo yalpi ichki mahsulotining 7 foizga kamayishiga olib kelishini aytdi. Bu esa, millionlab ish o‘rinlari, investitsiyalar va iqtisodiy barqarorlikka salbiy ta’sir ko‘rsatishi mumkin.