Yevropa Komissiyasi raisi Ursula fon der Lyayen Yevropani Rossiya gazidan butunlay voz kechishga tayyorlanishga chaqirdi. Bu haqda u DPA agentligiga bergan intervyusida gapirdi.
“Hozirgi vaqtda Rossiya YEIga aʼzo 12 davlatga qisman gaz sotyapti yoki butunlay yetkazib bermayapti. Shuning uchun Yevropa eng og‘ir ssenariyga: ertami-kechmi yetkazib berishning butunlay to‘xtatilishiga tayyor turishi kerak”, – degan siyosatchi.
Shu bilan birga u Yevroittifoq davlatlarini gazga kuchli qaram bo‘lmagan davlatlarni boshqalar bilan yoqilg‘i bo‘lishishi zarurligini taʼkidlagan.
“Energetik birdamlik Yevropa shartnomalarining asosiy tamoyili hisoblanadi”, – deb qayd etgan der Lyayen.
Avvalroq arab davlatlari Yevropa neft bozorida Rossiya o‘rnini egallayotgani to‘g‘risida xabar berilgandi.