Еврокомиссия раиси: Россия газидан воз кечишга тайёр туринг
Аввалроқ араб давлатлари Европа нефть бозорида Россия ўрнини эгаллаётгани тўғрисида маълумот берилганди.
Европа Комиссияси раиси Урсула фон дер Ляйен Европани Россия газидан бутунлай воз кечишга тайёрланишга чақирди. Бу ҳақда у DPA агентлигига берган интервьюсида гапирди.
“Ҳозирги вақтда Россия ЕИга аъзо 12 давлатга қисман газ сотяпти ёки бутунлай етказиб бермаяпти. Шунинг учун Европа энг оғир сценарийга: эртами-кечми етказиб беришнинг бутунлай тўхтатилишига тайёр туриши керак”, – деган сиёсатчи.
Шу билан бирга у Евроиттифоқ давлатларини газга кучли қарам бўлмаган давлатларни бошқалар билан ёқилғи бўлишиши зарурлигини таъкидлаган.
“Энергетик бирдамлик Европа шартномаларининг асосий тамойили ҳисобланади”, – деб қайд этган дер Ляйен.
Аввалроқ араб давлатлари Европа нефть бозорида Россия ўрнини эгаллаётгани тўғрисида хабар берилганди.
