Зангиотадаги ёнғин салкам 5 соатдан сўнг ўчирилди
Ҳодиса юзасидан қўшимча маълумот берилди.
Бугун, 10 сентябрь куни соат 14:15 да Зангиота тумани “Эркин” МФЙда жойлашган бўёқ ишлаб чиқариш цехи биносида ёнғин содир бўлди.
ФВВ хабарига кўра, ёнғин ўчириш экипажлари томонидан ёнғин соат 17:00 да қуршаб олиниб, соат 18:56 да батамом ўчирилган.
Ёнғин натижасида тан жароҳати олган ва вафот этган фуқаролар тўғрисида хабар келиб тушмаган.
“Ёнғинни бартараф этиш жараёни Фавқулодда вазиятлар вазири генерал-майор А.Х.Қўлдошев назоратида амалга оширилди. Айни вақтда ёнғин сабаби ва зарари аниқланмоқда”, дейилади хабарда.
