Ukraina prezidenti Vladimir Zelenskiy yana bir bor rossiyaliklarga Shengen vizalarini to‘xtatishga chaqirdi. Bu haqda u anʼanaviy kunlik videomurojaatida aytgan.
“Faqatgina hayoti xavf ostida bo‘lgan rossiyaliklargina sivilizatsion dunyo yordamini olishga haqli. Bu aniq yuridik jarayonlar orqali — qochqinlik maqomi, boshpana so‘rash, boshqa usullar bilan yordam berish va qo‘llab-quvvatlash mumkin. ammo bu faqatgina kurashayotganlar, taʼqib ostida bo‘lganlarga qo‘llanilishi kerak”, – degan Ukraina rahbari.
Prezident Yevropa supermarket emasligini, shu sababli Rossiya fuqarolariga turistik viza berish maqbul emasligini aytgan.
Avvalroq Estoniya rossiyaliklarga viza berishni to‘xtatishni taklif qilgandi.