Трампнинг компанияси бухгалтерлик ва аудит хизматисиз қолди
Хизмат кўрсатувчи компания ҳисоботлар тўғрилигига жавоб бера олмаслигини айтиб, шартномани бузди.
Бухгалтерлик ва аудит соҳасида хизмат кўрсатувчи Mazars халқаро компанияси Tpump Organisation билан ҳамкорликни тўхтатди. Бу ҳақда Mazars USA раҳбарияти хабар Трампнинг ҳуқуқий хизмати раҳбари Алан Гартенни огоҳлантирди.
Кўпйиллик муносабатларнинг бузилишига Нью-Йорк бош прокуратурасининг фирибгарлик иши бўйича суриштирув ўтказаётгани сабаб бўлди. Терговга Трампнинг қизи Иванка ва ўғли кенжа Дональд ҳам чақирилган.
Шартномани бекор қилишдан ташқари Mazars Trump Organisation'нинг 2011-2020 йиллардаги ҳисоботлари тўғрилигига жавоб беролмаслигини билдирди.
"Бу хулоса қисман Нью-Йорк прокуратурасининн 2022 йил 18 январда тақдим этган ҳужжатлари ва ички текширувларга асосланган", - деди компания ҳуқуқшуноси Уильям Келли.
Унинг қайд этишича, ҳисоботлар мижоз компания томонидан берилган маълумотларга асосланган.
Эслатиб ўтамиз, аввалроқ Дональд Трамп президентлик хотираларини ёзиб, ҳаммани "сўкиб" чиққанди.
Шарофат Маҳмудова
