Ўзбекистон халқ артисти Лутфулла Саъдуллаев вафот этди
Актёр 82 ёшда оламдан ўтган.
Ўзбекистон халқ артисти Лутфулла Саъдуллаев 10-апрел куни вафот этди. Бу ҳақда унинг қизи Муқаддас Саъдуллаева Инстаграм саҳифасида маълум қилди.
Актёр бир неча кун аввал шифохонанинг жонлантириш бўлимига оғир аҳволда жойлаштирилган, кейинроқ эса комага тушиб қолган эди.
Лутфулла Саъдуллаев 1940-йил 18-декабрда Тошкент шаҳрида туғилган. 1965-йил Тошкент театр ва рассомчилик санъат институтини тугатган. 1963—2007-йилларда Республика ёш томошабинлар театри, Абдулла Қаҳҳор номидаги сатира театрларида актёр бўлиб фаолият кўрсатган. Сўнгги йилларда Абдулла Қаҳҳор номидаги сатира театрида ижод қилиб келаётган эди.
