Дилдора Ниёзова санъатни тарк этди
Хонанданинг турмуш ўртоғи бунинг сабабини очиқлади.
Хонанда Дилдора Ниёзова санъатни бутунлай тарк этди. Бу ҳақда унинг турмуш ўртоғи Инстаграм орқали маълум қилди.
Унинг сўзларига кўра, Ниёзова ҳақиқатан ҳам Ислом йўлини танлагани учун тўйларга чиқмасликка қарор қилган. Энди хонанда уйда фарзанд тарбияси билан машғул бўлади.
“Бугундан бошлаб Дилдора Ниёзова ҳақиқатдан ҳам ислом йўлини танлагани учун тўйларга чиқмасликка қарор қилди. Илтимос, кимда ким биз билан боғланиб тўй кунини белгилаган бўлса, алоқага чиқсин. Пулларни қайтариб беришга мажбурмиз. Дилдора Ниёзова энди тўйга чиқмайди. Уйда бола-чақа тарбияси билан шуғулланишга қарор қилди”, — хонанданинг турмуш ўртоғи.
Эслатиб ўтамиз, аввалроқ Ўзбекистон халқ артисти Юлдуз Усмонова 1 йил муддатга мамлакатни тарк этмоқчи эканини маълум қилганди.
