Марям Тиллаева турмуш ўртоғи билан муносабатларини тиклади
Улар жорий йилнинг февраль ойида ажрашишга қарор қилганди.
Блогер Марям Тиллаева турмуш ўртоғи Амиран Сардоров билан ярашиб олди, дея хабар бермоқда “Xabardor.uz” нашри.
Қайд этилишича, кеча, 7 май куни Тиллаеванинг Инстаграм саҳифасига эри билан ярашгани акс этган видеоролик жойланган. Марям Тиллаева видеороликда уни “бу ерга мажбурлаб олиб келишгани”ни таъкидлаган. “Мен тинчлик тарафдори бўлганим учун сен билан ярашяпман”, деган у.
Рафиқаси билан ярашиб олганини Амиран Сардоров ҳам тасдиқлаган.
“Ҳа, биз у билан ҳақиқатан ярашиб олдик. Мен Дубайга кетгандим, биз у билан узоқ вақт ёзишиб юрдик, муносабатларга ойдинлик киритмоқчи бўлдик ва қайсидир дақиқада уни севишимни тушуниб етдим. У мен бирга бўлишни истайдиган инсон. Ёнимга келиши учун чипта олдим. Узоқ муҳокамадан кейин барчасини бошидан бошлашга қарор қилдик”, дейди Амиран.
