Нигерияда текин озиқ-овқат тарқатиш вақтида катта тиқилинч юзага келди
Оқибатда 31 киши ҳалок бўлган.
Нигерияда текин озиқ-овқат учун тиқилинчда 31 киши ҳалок бўлди. Бу ҳақда “Reuters” нашри хабар бермоқда.
Қайд этилишича, Риверс штатидаги Порт-Харкорт черкови яқинида текин озиқ-овқат ва кийим-кечак тарқатиш вақтида жуда катта оломон тўпланган. Маҳаллий полиция вакили ҳалок бўлганлар орасида ҳомиладор аёл ва уч нафар бола борлигини маълум қилди.
Ҳозирда черков юридик маслаҳатчиси ва хайрия дастури ташкилотчиси ҳибсга олинган.
