Жустин Бибернинг юзи фалаж бўлиб қолди
Қўшиқчи ҳозирда табассум ҳам қилолмаяпти.
Канадалик қўшиқчи Жустин Бибер юзининг ярми фалаж бўлиб қолганини айтиб, Инстаграмъдаги саҳифасига видео жойлади.
“Кўриб турганингиздек, бир кўзим пирпирамаяпти, мен юзимнинг бу томонини қимирлата олмаяпман, табассум ҳам қилолмайман. Бу менинг юзимнинг бу томонида тўлиқ фалаж эканлигини англатади”, — деди Бибер.
Қўшиқчининг сўзларига кўра, унга Рамсей Хант синдроми ташхиси қўйилган. У юз нервининг пастки нейронларининг шикастланиши, карлик, бош айланиши ва оғриқни ўз ичига олиши мумкин бўлган ўзгарувчан кўринишларга эга.
