Абдулла Қурбонов ЙТҲга учради
Воқеа хонанданинг тўй хизматига кетаётган вақтида содир бўлган.
Ижтимоий тармоқда хонанда Абдулла Қурбонов 2 июнь куни йўл-транспорт ҳодисасига учрагани ҳақида хабарлар тарқалди. Ушбу хабарни хонанданинг ўғли Музаффар Қурбонов тасдиқлаб, ҳозирда отасининг соғлиги яхши эканини маълум қилди.
“Отангиз яхшими деб ҳамма сўраяпти. Отам Аллоҳга шукур яхшилар. Тўй хизматига кетаётган вақтлари фалокат бўлиб машинани уриб олибдилар. Соғлиқлари яхши.
Лекин, маст ҳолатда бўлган экан деган гаплар ёлғон. Бундай ёлғонларни тарқатишдан озгина қўрқинглар. Гап тарқатганлар яхши иш қилмабсизлар. Раҳмат ҳаммангизга”,—дейди хонанданинг ўғли.
