Зойир Мирзаев Сенат аъзоси этиб сайланди
Қўшма мажлисда 641 киши ҳокимга овоз берган.
Халқ депутатлари Тошкент вилояти, туман ва шаҳарлари Кенгашининг қўшма мажлисида ҳоким Зойир Мирзаев Сенат аъзоси эътиб тайинланди. Бу ҳақда вилоят ҳокимлиги матбуот хизмати хабар қилмоқда.
Саноқ комиссияси хулосасига кўра, қўшма мажлисда 643 нафар депутат иштирок этиб, овоз бериш жараёнларида уларнинг барчаси қатнашган.
Депутатларнинг 641 нафари номзодни ёқлаб овоз бергани маълум қилинган ва Зойир Мирзаев мутлақ кўпчилик овоз билан Олий Мажлис Сенати аъзоси этиб сайланган.
Йиғилишда З.Мирзаев сўз олиб, билдирилган ишонч учун халқ вакилларига миннатдорлик билдирган.
