Бухорода 4 та автомашина ЙТҲга учради
Улар орасида ЙПХ машинаси ҳам бор.
Бугун, 16 декабрь куни Бухоро вилоятининг Бухоро туманида тўртта автомашина иштирокида йўл-транспорт ҳодисаси содир бўлди. Ҳолат юзасидан ИИВ ЙҲХХ маълумот берди.
Қайд этилишича, ҳолат соат 16:10 ларда Бухоро тумани “Туркон” МФЙ ҳудудидан ўтувчи М-37 автомобиль йўлининг 253-километрида юз берган. Nexia-3 ҳамда Spark русумли автомобиллар иштирокидаги ЙТҲни расмийлаштириш жараёнида ЙПХ ходими Ё.Ҳайдаров ҳаракат хавфсизлигини таъминлаш мақсадида Lacetti русумли хизмат автомобилини маёқчалари ёқилган ҳолда йўналишларни ажратувчи бетон тўсиқ ёнига, Nexia-3 автомобилининг орқа томонига жойлаштирган.
Ходимлар хизмат вазифасини бажараётган вақтда 2001 йилда туғилган ҳайдовчи С.И. эътиборсизлиги сабаб бошқарувидаги Cobalt автомобилида маёқчалари ёқилган ҳолда тўхтаб турган Lacetti русумли автомобилнинг орқа томонига тўқнашган.
Мазкур содир бўлган ЙТҲлар натижасида тан жароҳати олган фуқаролар йўқ.
