Британия бош вазири хавфсизлик камари тақмагани учун жаримага тортилди
Риши Сунак айбини тўлиқ тан олиб, узр сўраган.
Буюк Британия бош вазири Риши Сунак хавфсизлик камари тақмагани учун жаримага тортилди. Бу ҳақда BBC хабар берди.
Бош вазир йўловчи сифатида автомобилда келаётган бўлган. У Англия шимоли-ғарбидаги Ланкашир графлигида полиция томонидан тўхтатилган.
Жарима миқдори 100 фунт-стерлингдан 500 фунтгача бориши мумкин. Даунинг-стрит баёнотида айтилишича, Сунак айбини тўлиқ тан олган ва узр сўраган. Шуниндек, у жаримани тўлиқ тўлаши маълум қилинган.
Маълумотларга кўра, бош вазир Британия ҳукуматининг минтақаларни ривожлантириш дастури бўйича видеоролик олинаётган пайтда хавфсизлик камарини ечган.
Бу Сунакнинг ҳукуматдаги фаолияти давомида олган иккинчи жаримаси. Ўтган йили апрелда у карантин чораларини бузгани учун ҳам жаримага тортилганди.
