Франция Россия билан уруш ҳолатида эмаслигини айтди
Аввалроқ РФ ташқи ишлар вазирлиги Эммануэль Макроннинг ҳаракатларини танқид қилганди.
Франция ва НАТО Россия билан урушмаяпти. Бу ҳақда Франция ТИВ баёнотида сўз боради.
Бундан олдин РФ ташқи ишлар вазирлиги расмий вакили Мария Захарова Эммануэль Макронни қурол етказиб бериш сиёсатини кескин танқид қилганди. Баёнотда айтилишича, эскалация фақат Россия томонидан бўлмоқда.
"Бир неча бор таъкидлаганимиздек, Россия билан уруш ҳолатида эмасмиз. НАТО бўйича ҳамкорлар РФ билан урушмаяпти", — дейилади ТИВ расмий вакили баёнотида.
30 январь куни Макрон Киевга қирувчи самолётлар етказиб беришни истисно қилмаганди. Шу билан бирга бу бир қатор шартлар бажарилган тақдирдагина амалга оширилиши таъкидланган.
