АҚШда нафси бузуқ талончи қўлга тушди
У ўғирлаган товуқ гўштини воқеа жойида емоқчи бўлган.
АҚШнинг Иллинойс штатининг Чикаго шаҳрида талончи жиноят жойида жабрланувчидан олган қовурилган товуқни еб қўйишга қарор қилди ва полиция томонидан қўлга тушди.
Маълум бўлишича, 35 ёшли эркак уйи олдида машинасидан тушиб, уйига кириб кетаётган бўлган. Унинг қўлида ресторандан сотиб олган пиширилган иссиқ товуқ бор эди. 20 ёшли Жеймс Тейлор унга яқинлашиб, тутатқич сўраган, жабрланувчи эса йўқлигини айтган.
Кейин Тейлор милтиқни унинг юзига қаратади. Эркак қароқчига калитларни, икки доллар нақд пул, банк картаси ва қовурилган товуқни берган. Тейлор жабрланувчига тегишли машинага ўтиради ва товуқ гўшти ейишни бошлайди. Бу вақтда жабрланувчи полицияни чақирган. Бир неча дақиқадан сўнг полиция воқеа жойига етиб келган ва ҳали ҳам овқатланиб ўтирган Тейлорни қўлга олган.
