Путин каттароқ урушга тайёргарлик кўрмоқда—НАТО
Альянс бош котиби Россия янги ҳужумлар бошлаш арафасида эканини айтди.
Россия президенти Владимир Путин Федерал Мажлисга йўллаган мурожаатида Украина билан янада каттароқ урушга тайёргарлик кўраётганини очиқ айтди. Бу ҳақда НАТО бош котиби Енс Столтенберг маълум қилди.
“Бир йил ўтиб биз президент Путин тинчликка тайёрланаётгани ҳақида ҳеч қандай аломат кўрмаяпмиз. Аксинча, бугун у бундан ҳам каттароқ урушга тайёрланаётганини яққол кўрсатди. Россия янги ҳужумларни бошлади, қўшимча қўшинларни сафарбар қилмоқда ва Шимолий Корея ва Эрон билан алоқада”, — деди Столтенберг.
Унинг сўзларига кўра, агрессив уруш бошланишига фақат Путин айбдор.
Столтенберг альянс Киевни қанча вақт керак бўлса, қўллаб-қувватлашда давом этишига ишонтирган.
