ISW: Россия Беларусни “ютиб юборса”, НАТО шарқий қанотида янги хавф пайдо бўлади
Экспертлар бунга йўл қўймаслик учун Украинага ёрдамни давом эттиришни тавсия қилмоқда.
Россия Беларусни ютиб юборишга тайёрланмоқда, бу НАТОнинг шарқий қанотида янги хавф туғдиради. Бу ҳақда Америка урушни ўрганиш институти (ISW) экспертлари прогноз қилди.
Таҳлилчилар НАТОни яқин келажакда альянснинг шарқий қаноти - Беларусда янги муаммо пайдо бўлиши мумкинлигига тайёргарлик кўришга чақирмоқда.
Экспертлар 2030 йилгача Беларусни тўлиқ ўзлаштириш стратегиясини кўрсатадиган ОАВ қўлига тушган Кремль ҳужжатига ишора қилади.
“Агар бу рўй берса ва Россия Қрим ҳамда Херсон вилоятининг бир қисмини сақлаб қолишга муваффақ бўлса, Москва Украина ва НАТОнинг шарқий чегараларига қўшимча таҳдидлар учун жиддий асосга эга бўлади”, — дейилади хабарда.
Бунга йўл қўймаслик учун Ғарб Украинага унинг ҳудудий яхлитлигини сақлаб қолиш учун ҳар қандай ҳолатда ёрдам бериш тавсия этилган.
