Ўз қизини мажбурлаб турмушга бермоқчи бўлган ота умрбодга қамалиши мумкин
У қизини бошқа давлатга олиб кетган.
АҚШда ўз қизини ўғирлаб, мамлакатдан олиб чиқиб кетган ва уни 500 минг доллар эвазига турмушга бермоқчи бўлган эркак қўлга олинди. Бу ҳақда АҚШ Адлия вазирлиги сайтида хабар берилди.
Панжара ортидаги 50 ёшли Холид Абуғаним ва унинг 32 ёшли ўғли Валид жабрланувчининг отаси ва акаси ҳисобланади. Тергов шуни кўрсатдики, улар Нью-Йоркнинг Буффало туманида яшовчи қизни Яманга мажбурлаб олиб бориб, турмушга беришга ҳаракат қилишган. Ҳибсга олинганлар, агар у тўйдан бош тортса, уни ўлдириш билан таҳдид қилган. Ота-бола никоҳ учун 500 минг доллар олиши керак эди.
2021 йилнинг сентябрида аёл қариндошларининг рухсатисиз Мексикага қочиб кетган. У топилди ва куч билан АҚШга олиб келинди. Ота унинг ҳаракатлари назорат қилинишини, агар итоатсиз бўлса, уни "ҳовлига дафн этишини" айтди. Аёл уйга қамалиб, университетдаги ўқишни ташлаб кетишга мажбур бўлган ва интернетдан ҳан маҳрум бўлган. Кейинчалик унинг севган йигити узоқ вақт у билан боғлана олмагани учун полицияга мурожаат қилди.
Ҳуқуқ-тартибот идоралари ходимлари жабрланувчининг қариндошларига бир неча бор қўнғироқ қилишган, бироқ улар ҳаммаси жойида эканини айтишган. ФҚБ терговни фақат 2022 йил декабрь ойида бошлаган.
Тергов маълумотларига кўра, ҳозир аёл Яманда қариндошлари назоратида. У никоҳга рози бўлмади. 2022 йил апрелида АҚШга қайтган Холид ва Валид Абуғаним 17 февраль куни ҳибсга олинган. Улар бошқа давлатда одам ўғирлаш мақсадида тил бириктирганликда айбланмоқда. Ушбу моддада умрбод қамоқ жазоси кўзда тутилган.
