Сунак: Украина НАТО аъзоси бўлади
Британия бош вазири бунинг учун қатор ишларни амалга ошириш зарурлигини айтди.
Буюк Британия Бош вазири Риши Сунак Украинанинг НАТОга аъзо бўлишига ишонади. Бу ҳақда у украиналик журналистлар билан суҳбатда айтиб ўтди.
"Мен НАТО бош котиби Йенс Столтенбергнинг Украина НАТО аъзоси бўлади, деган фикрига қўшиламан. Шу билан бирга биз жорий вазиятга эътибор қаратишимиз керак. Мен учун бу Украина хавфсизлигини таъминлаш режасини ишлаб чиқишни... англатади”, – деган Британия ҳукумати раҳбари.
Сунакнинг қўшимча қилишича, Украина альянс аъзоси бўлиши учун яна кўпроқ техника билан таъминланиши керак. Украиналик учувчиларни тайёрлаш бу жараённинг бир қисми бўлади.
