Медведев Россия бутун Украинани ишғол қилиш ниятида эканини тан олдими?
РФ хавфсизлик кенгаши раиси ўринбосари ҳарбий можаро бир йиллиги муносабати билан пост қолдирди. Унда керак бўлса таҳдидларни “Польша чегараси”гача суриб ташлаш таклиф қилинган. Гап Украина-Польша чегараси ҳақида кетаётган бўлиши мумкин.
Россия ғалабага эришади ва буни барча тезроқ келишини истайди. РФ хавфсизлик кенгаши раисининг ўринбосари Дмитрий Медведев уруш бошланганининг бир йиллиги муносабати билан ёзилган постини шундай бошлади.
Унинг сўзларига кўра, оғир ва асабий музокаралардан кейин “ундан осон бўлмаган босқич” келади.
Шу билан бирга Россия собиқ президенти “махсус ҳарбий операция”нинг барча мақсадларига эришиш кераклигини таъкидлаган.
“Таҳдидларни чегарамиздан имкон қадар узоқлаштиришимиз керак, ҳатто бу Польша чегараси бўлса ҳам”, – деган сиёсатчи.
