Макрон ва Шольц Зеленскийга Россия билан музокара бошлашни маслаҳат берди
Франция президенти украиналик ҳамкасбининг "буюк қўмондон" дея эътироф этган, Зеленский аммо мураккаб сиёсий қарорлар қабул қилиш кераклигини айтган.
Эммануэль Макрон ва Олаф Шольц Украина етакчиси Владимир Зеленскийга Россия билан музокара бошлашни маслаҳат берган. Франция ва Германия етакчилари бу ҳақда Парижда бўлган учрашувида гапирган, деб ёзади, The Wall Street Journal.
Нашр суҳбатдошларига кўра, Елисей саройидаги кечки овқат пайтида Макрон ашаддий душман бўлган Франция ва Германия ҳам Иккинчи жаҳон урушидан кейин ярашганини эслатган. Бундан ташқари, у Зеленскийга "буюк қўмондон" эканини, аммо якунда мураккаб сиёсий қарорлар қабул қилиш кераклигини айтган.
Россия-Украина музокаралари ўтган йили март ойида тўхтаб қолганди. Шундан кейин томонлар тор доирадаги масалалар юзасидан мулоқот ўтказиб турган.
2022 йил кузида Зеленский тинчлик шартларини эълон қилди. Унинг асосида Россия аннексия қилган барча ҳудудлардан чиқиб кетиши масаласи ётади. Кеча АҚШ давлат котибининг ўринбосари Виктория Нуланд айнан Зеленскийнинг тинчлик режаси Америка томонидан қабул қилинишини айтганди.
