Финляндия Россия билан чегарада девор қуради
Қурилиш март ойидан бошланди.
Россиянинг Украинага қарши уруши фонида НАТОга номзод Финляндия РФ билан чегарада 200 километр узунликдаги уч метрли панжара қуради. Мамлакат чегара хизматининг маълум қилишича, ҳақиқий қурилиш ишлари март ойида дарахтлар илдизи билан суғуриб олингандан кейин бошланади.
Тўсиқнинг уч километр узунликдаги биринчи қисми мамлакат жануби-шарқий қисмидаги Иматра шаҳрида ўрнатилади. 2025 йилгача яна 75 километр панжара қурилади. Қурилиш қиймати 380 миллион еврога баҳоланмоқда. Финляндиянинг Россия билан чегарасининг умумий узунлиги 1300 км.
Уч метрли панжара тиканли симлар билан жиҳозланади, айрим ҳудудларда тунги кўриш камералари, чироқлар ва овоз кучайтиргичлар ўрнатилади. Ҳозирги вақтда Финляндия-Россия чегарасида фақат оддий ёғоч панжара ўрнатилган. Хелсинки Кремль муҳожирлардан сиёсий восита сифатида фойдаланиши мумкинлигидан қўрқади, шунинг учун парламент июль ойида қонунчиликка чегара тўсиқларини қуришни осонлаштирадиган тузатишларни маъқуллади.
