Сенат ўтган йили қандай ишлади?

 

2022 йил Сенатнинг 14 та ялпи мажлисида давлат ва жамият ҳаётининг турли соҳаларига доир 79 та қонун кўриб чиқилди.

 

8 та қонун рад этилди. Айтиш лозимки, бу рақам ортида шунчаки қайтарилган қонунлар сони эмас, балки қонунларнинг аввало аҳоли ва ҳудудлар манфаатларига қай даражада мослиги нуқтаи назаридан ўтказилган чуқур таҳлиллар ётибди.

 

Бу жараёнда маҳаллий Кенгашлар, қўмиталар ҳузуридаги салоҳиятли эксперт гуруҳлари ҳам фаол иштирок этаётгани, қолаверса кенг жамоатчилик фикри инобатга олинаётганини алоҳида таъкидлаш лозим.

 

Қонунчилик йўналишига оид фаолиятимиздаги яна бир яхши амалиёт, яъни амалда бўлиб турган қонунлардаги бўшлиқлар, зиддиятлар ва аҳамиятини йўқотган нормалар бўйича мониторинг ишлари изчил олиб борилди.

 

Хусусан, 20 дан ортиқ қонунни қайта кўриб чиқиш ҳамда такомиллаштириш юзасидан таклифлар Ҳукуматга киритилди. Ушбу амалиёт бундан буён ҳам давом эттирилади.