Беларусда Нобель мукофоти совриндори 10 йилга қамалди
Алесь Беляцкий 2021 йилдан бери қамоқда қолаётганди.
Нобель мукофоти лауреати Алесь Беляцкийга Минск суди 10 йил қамоқ жазоси берди.
“Весна” ҳуқуқни ҳимоя қилиш маркази раҳбари Беларусь Республикаси ЖКнинг 228 ва 342 моддалари билан “контрабанда” ва “оммавий тадбирлар ташкиллаштириш ёки ўтказиш билан бир неча бор тартибни бузиш”да айбланмоқда.
Беляцкий билан бирга унинг ўринбосари ва Инсон ҳуқуқлари бўйича халқаро федерация вице-президент Валентин Стефанович, “Весна” ҳуқуқшуноси Владимир Лабкович ва марказ аъзоси Дмитрий Соловьев ҳам судланди.
Алесь Беляцкий 2021 йил июлида қўлга олинган. У ўтган йил ҳибсдалигида Россиянинг “Мемориал” ва Украинаинг “Фуқаро эркинлиги маркази” билан бирга Нобель мукофотини қўлга киритган эди.
