Жозеп Боррел Россияни ёқлаб чиқди
ЕИ бош дипломати Москванинг G20'даги иштирокига оид фикр билдирди.
Европа Иттифоқининг ташқи ишлар бўйича олий вакили Жосеп Боррел Россияни Г20 дан чиқаришга уринишларга қарши чиқди.
"Биз гаплашмасак ҳам, ҳеч бўлмаганда тинглашда давом этишимиз керак", — деди Боррел.
Унинг қайд этишича, Россия ташқи ишлар вазири Сергей Лавров Деҳлида бўлиб ўтган Г20 ташқи ишлар вазирлари йиғилишида Ғарб давлатлари Россияни танқид қилган пайтда залда қолган.
Хабар қилинганидек, Г20 давлатлари ташқи ишлар вазирлари Украина мавзусида консенсусга эриша олмади ва учрашув якуний коммуникесиз якунланди.
Ҳиндистон ташқи ишлар вазири Субраманямнинг айтишича, “Украинадаги вазият бўйича муросасиз қарашлар” консенсусга эришишга тўсқинлик қилган.
