Трамп жиноий жавобгарликка тортилиши мумкин
Мамлакатда Капитолий можароси давом этмоқда.
АҚШ Адлия вазирлиги собиқ президент Доналд Трампни Капитолийга бостириб киришга алоқадорлиги учун жиноий жавобгарликка тортилишига рухсат берди. Бу ҳақда “The Washington Post” ёзмоқда.
Демократик Вакиллар Палатасининг 11 аъзоси билан бирлашган АҚШ Капитолий полициясининг икки ходими тартибсизликлар пайтида олган жисмоний ва руҳий жароҳатлари учун Трампни жавобгарликка тортишга ҳаракат қилмоқда.
Трамп АҚШ президенти бўлгани ва ўз вазифаларини бажаргани учун дахлсизлик билан ҳимояланганини даъво қилди. Гап 2021 йил 6 январь куни, АҚШнинг собиқ президенти Конгресс сайлов натижаларини ратификация қилишига йўл қўймаслик учун одамларни бинога бостириб киришга чақиргани ҳақида кетмоқда.
