Борис Жонсон отасини рицарликка тавсия қилди
Собиқ бош вазирда шундай ҳуқуқ бор.
Буюк Британиянинг собиқ бош вазири Борис Жонсон отаси Стэнли Жонсонни рицарликка номзод қилиб кўрсатди.
У собиқ ҳукумат раҳбари мақоми туфайли бундай ҳуқуққа эга.Сиёсатчи жами 100 га яқин исмлар рўйхатини тузган, улар орасида 82 ёшли отаси ҳам бор. Собиқ бош вазирнинг рўйхатида 2016-2019-йилларда бош вазир бўлиб ишлаган Тереза Мей ва ҳукуматнинг яна бир собиқ раҳбари Дэвид Кемерон ҳам бор.
Борис Жонсоннинг отаси ҳам сиёсатчи, 1979-йилдан 1984-йилгача у Европа парламенти депутати бўлган. У ёзувчи сифатида ҳам машҳур. Стэнли Жонсон экология масалаларига бағишланган бир қатор китоблар ва тўққизта роман нашр этган. Ўтган йили Катта Жонсон Франция фуқаролигини олди.
