"Толибон" янги ўқув йилида ҳам қизларни мактабларга йўлатмоқчи эмас
ЕИнинг Афғонистон бўйича махсус вакили бу бўйича толиблар билан мулоқотни очиқлади.
“Толибон” янги ўқув йилида қизлар учун мактаб очишга ваъда бермади. Бу ҳақда Европа Иттифоқининг Афғонистон бўйича махсус вакили Томас Никлассон маълум қилди. Унинг сўзларига кўра, аёлларнинг билим олиши Брюссель учун принципиал масала.
Дипломат, шунингдек, сиёсий мулоқотда олдинга силжиш йўқлигини таъкидлади - Европа Иттифоқи буни фақат диаспора ва кўп томонлама гуруҳларнинг иштирокида кўради, чунки мухолифат томонида турли сиёсий кучлар тўпланган.
Шу билан бирга Европа Иттифоқи толибларга қарши қуролли мухолифатни ҳеч қандай тарзда – ҳатто сиёсий жиҳатдан ҳам қўллаб-қувватламаслиги таъкидланган.
